შაბათი, 6:21 PM, 2019  
არ მოიპაროთ ბანერი(დამზადებულია გაბრიტოს მიერ)
მთავარი შემადგენლობა მწვრთნელები სტადიონი დუბლები ისტორია ფოტო ვიდეო რეგისტრაცია

ილურიძემ “დილა” “რვიანში” დატოვა(დიდი ინფორმაცია)


ეროვნული ჩემპიონატის რეგულარული ეტაპის დასკვნითი ტურის მატჩში, "მიხეილ მესხის” სახელობის არენამ შიდაქართლურ დაპირისპირებას უმასპინძლა. მატჩამდე, ცხინვალის "სპარტაკსაც” და გორის "დილასაც” პირველ რვა გუნდში მოსახვედრად მხოლოდ გამარჯვება სჭირდებოდათ, მაგრამ როგორც შემდეგ გაირკვა, თემურ მახარაძის გუნდმა მიზანს ფრითაც მიაღწია.
შეხვედრის პირველივე წუთებიდან, ორივე გუნდს ეტყობოდა, რომ მხოლოდ გამარჯვებაზე ფიქრობდა. დასკვნითი ტური იყო და, შესაბამისად, ძალების დაზოგვაზე არავინ ფიქრობდა, რაც თამაშზეც სასიკეთოდ აისახა. მეტოქის კარისაკენ პირველი დარტყმა მასპინძლის რანგში მოთამაშე ცხინვალელებმა შეასრულეს – კონსტანტინე გაბაშვილმა შორი მანძილიდან გაისროლა, მაგრამ არაზუსტად.
საპასუხოდ, გორელებმაც შეუტიეს. თბილისის "დინამოს” ყოფილმა ფეხბურთელმა, გიორგი კახელიშვილმა ერთი მეტოქე ჩამოიშორა და მეკარისაგან შორეულ კუთხეში დაარტყა, მაგრამ მანაც ააცილა.
მე-12 წუთზე, "სპარტაკის” გააზრებული შეტევა გოლით დასრულდა – რამდენიმესვლიანი კომბინაციის შედეგად, ბურთი ლაშა ჩაფიძეს მეტოქის საჯარიმოში მიუვიდა და ზუსტი დარტყმის შესრულება არ გასჭირვებია – 1:0. ამ თითქოს მოულოდნელმა გოლმა, სტუმრები გამოაცოცხლა. წონასწორობის აღდგენა შეეძლო გიორგი ილურიძეს, მაგრამ მისი თავური კარს მცირე მანძილით აცდა. თავით ცდილობდა მასპინძელთა კარის დალაშქვრას ირაკლი ლექვთაძეც, მაგრამ ამჯერად, მეკარემ იყოჩაჟა.
ტაიმის დასრულებამდე ათიოდე წუთით ადრე, "სპარტაკმა” უპირატესობა ორ ბურთამდე გაზარდა – მეკარე მარინ სკენდერის უხეიროდ მოგერიებულ ბურთს ჩაფიძემ დაამატა და დუბლიც გაიფორმა.
რა თქმა უნდა, შეხვედრის მეორე ნახევარში "დილა” მხოლოდ შეტევაზე ფიქრობდა. როგორც გუნდის თავკაცმა თემურ მახარაძემ მატჩისშემდგომ პრესკონფერენციაზე განაცხადა, რომ ფეხბურთელებს შეტევაში დიდი ძალებით გადასვლა მოსთხოვა, რამაც, საბოლოოდ, შედეგი ნამდვილად მოიტანა.
ანგარიშში სხვაობის შემცირება გიორგი ილურიძესა და რევაზ ჯიქიას შეეძლოთ, მაგრამ პირველ მათგანს მეკარემ აჯობა, მეორეს – მცველებმა შეუშალეს ხელი და მომენტებიც განიავდა.
82-ე წუთზე, ჯიქიამ მიზანს მაინც მიაღწია – საჯარიმოს ხაზიდან უძლიერესი დარტყმა შეასრულა და ბურთი "ცხრიანში” მოათავსა. საერთოდაც, მეორე ტაიმმა, როგორც თითქმის მთელმა მატჩმა, გორელთა უპირატესობით ჩაიარა. მახარაძის იმედმოცემულმა გაწვრთნილებმა მატჩის დასკვნით წუთებში მეტოქეზე ზეწოლა გააძლიერეს საუკეთესო 8 გუნდშიც შეინარჩუნეს ადგილი – ანგარიშის გამათანაბრებელი გოლი გიორგი ილურიძემ გაიტანა, რომელმაც სტუმართა ჩაწოდებული კუთხურის შემდეგ შექმნილი არეულობით ისარგებლა, ზუსტი თავური დარტყმა შეასრულა და "სპარტაკი” სატურნირო ცხრილში მე-10 პოზიციაზე "გადაიყვანა” – 2:2.
თემურ მახარაძე ("დილა”): "მნიშვნელოვანი და დაძაბული თამაში იყო. მეტოქემ კარგად იასპარეზა, განსაკუთრებით, პირველ ტაიმში. სამწუხაროდ, ჩვენ ბევრი საგოლე მომენტი გავანიავეთ. შეხვედრის მეორე ნახევარში, დასაკარგი აღარაფერი გვქონდა და შეტევა გავაძლიერეთ. მინდა მადლობა გადავუხადო ფეხბურთელებსა და გულშემატკივრებს”.
ვლადიმერ ხაჩიძე ("სპარტაკი”): უპირველესად, ვულოცავ "დილას” პირველ რვა გუნდში მოხვედრას. პირველი ტაიმი კარგად ჩავატარეთ, მეორეში – ძალა და გამოცდილება აღარ გვეყო. რას ვიზამთ, ცხოვრება გრძელდება. ყველაფერს გავაკეთებთ იმისთვის, რომ უმაღლეს ლიგაში დავრჩეთ.

"სპარტაკი” (ცხინვალი) – "დილა” (გორი) 2:2 (2:0)
8 მარტი. თბილისი. "მიხეილ მესხი”.
სპარტაკი:
ნადირაძე, ჭაფოძე, ლომაია, ტეტუნაშვილი, მაისურაძე, შარაშენიძე (ჯიშკარიანი 65), შონია, ჩივაძე (გურეშიძე 86), ჩაფიძე, გაბაშვილი, მელქაძე (გელაშვილი 60).
მწვრთნელი: ვლადიმერ ხაჩიძე
დილა: სკენდერი, ალადაშვილი, სალუქვაძე, თოთაძე (მეგრელიშვილი 75), ინწკირველი, ლექვთაძე (ვაწაძე 46), ილურიძე, კახელიშვილი, არზიანი, კაშია (გურული 38), ჯიქია.
მწვრთნელი: თემურ მახარაძე
გოლები: 1:0 ჩაფიძე (12), 2:0 ჩაფიძე (34), 2:1 ჯიქია (82), 2:2 ილურიძე (88)
გაფრთხილებები: ტეტუნაშვილი (75), ალადაშვილი (75), ილურიძე (90)
მთავარი არბიტრი: მალხაზ ბეუქლიშვილი
 

1 ზესტაფონი 22 17 3 2 45:17 54
2 დინამო 22 14 3 5 44:24 45
3 ტორპედო 22 13 4 5 33:19 43
4 მეტალურგი 22 9 6 7 25:26 33
5 მერანი 22 9 3 10 23:26 30
6 ბაია 22 8 4 10 21:26 28
7 დილა 22 7 5 10 29:28 26
8 კოლხეთი 22 6 8 8 19:24 26
9 ვიტ ჯორჯია 22 6 7 9 23:27 25
10 სპარტაკი 22 6 6 10 22:32 24
11 გაგრა 22 6 3 13 21:32 21
12 სიონი 22 2 6 14 13:37 12



შენიშვნები
•    სფფ-ს რეგლამენტით, თანაბარი ქულების დაგროვების შემთხვევაში, ადგილები გაირკვევა შემდეგი პრიორიტეტული თანმიმდევრობით: 1. მოგებათა მეტი რაოდენობა; 2. უშუალოდ ერთმანეთში შეხვედრების შედეგები (ქულათა რაოდენობა, ბურთების სხვაობა); 3. ჩემპიონატში გატანილი და მიღებული ბურთების სხვაობა; 4. გატანილი გოლების რაოდენობა; 5. სტუმრად გატანილი გოლების რაოდენობა; 6. ფეირ ფლეის პრინციპი; 7. კენჭისყრა.
•    2 წრის შემდეგ, I-VIII ადგილზე გასული გუნდები, ურთიერთშეხვედრებში დაგროვილი ქულებით და გატანილ-გაშვებული ბურთებით, ორ წრედ იბრძოლებენ ჩემპიონის ტიტულისა და უეფას ევროპის ლიგის საგზურებისთვის. ბოლო 4 გუნდი კი, პირველი ლიგის ზონებში დაწინაურებულ ორ-ორ გუნდთან ერთად (8 გუნდი ორ წრედ ნულიდან), გაითამაშებენ უმაღლესი ლიგის ოთხ საგზურს.

სატურნირო ცხრილი II ეტაპისთვის გუნდების მიმდინარე მდგომარეობის გათვალისწინებით
 

1 ზესტაფონი 14 9 3 2 24:12 30
2 ტორპედო 14 7 3 4 17:12 24
3 დინამო 14 7 2 5 27:20 23
4 მეტალურგი 14 7 2 5 18:19 23
5 ბაია 14 4 4 6 11:15 16
6 დილა 14 4 3 7 16:17 15
7 მერანი 14 4 1 9 12:22 13
8 კოლხეთი 14 2 6 6 8:16 12



ბომბარდირები
12 - ჯაბა დვალი (ზესტაფონი) (2 პენ.);
10 - ჩისკო (დინამო):
9 - დიმიტრი ტატანაშვილი (მეტალურგი) (1 პენ.);
7 - რევაზ გოცირიძე (ტორპედო), ბესიკ ჩიმაკაძე (ვიტ ჯორჯია) (1 პენ.), ნიკოლოზ გელაშვილი (ზესტაფონი) (3 პენ.);
6 - შოთა გრიგალაშვილი (ზესტაფონი), გიორგი მანწკავა (მერანი), მუნინი ტაპე (მერანი);
5 - ალვარო (დინამო), გიორგი დათუნაიშვილი (ტორპედო), ალექსანდრე კოშკაძე (დინამო), ირაკლი მოდებაძე (მეტალურგი), ლევან შარიქაძე (გაგრა, ზესტაფონი), დავით ჩაგელიშვილი (დილა), კოტო (დინამო) (1 პენ.), დათა ციცხვაია (კოლხეთი) (1 პენ.), რატი წინამძღვრიშვილი (ზესტაფონი) (1 პენ.);
4 - ელგუჯა გრიგალაშვილი (მერანი), ლუკა გუგუჩია (ბაია), გრიგოლ დოლიძე (ტორპედო), ბექა ზაქრაძე (ვიტ ჯორჯია), თორნიკე თარხნიშვილი (ტორპედო), შალვა კვანტალიანი (გაგრა), გიორგი კორიფაძე (ვიტ ჯორჯია), ზვიად მეტრეველი (სპარტაკი, სიონი), დავით რაჟამაშვილი (დილა, ზესტაფონი), გიორგი ქუცურუა (სიონი), თეიმურაზ შონია (სპარტაკი), რევაზ ჯიქია (სპარტაკი, დილა), გიორგი მერებაშვილი (დინამო) (2 პენ.);
3 - რომან ახალკაცი (დილა), თორნიკე გორგიაშვილი (ზესტაფონი), გიორგი კახელიშვილი (დინამო, დილა), ლაშა კემუხტაშვილი (სიონი, ტორპედო), ნიკა საბანაძე (ტორპედო), ირაკლი ქობალია (ბაია), ლაშა ჩაფიძე (სპარტაკი), ჯონ ჯერემია (გაგრა), შოთა ლომია (ბაია) (1 პენ.), გიორგი მეგრელაძე (ტორპედო) (1 პენ.), კობა შალამბერიძე (სპარტაკი) (1 პენ.), პავლე ხორგუაშვილი (დილა) (1 პენ.).
 

 

ირაკლი ჯაფარიძე



ავტორი: Guest ნანახია: (1123) დამატების დრო: (2019-01-19)



სახელი *:
Email *:
კოდი *:

კატეგორიები

მართვის ბლოკი

ჩათი

ბომბარდირები

 შემდეგი მატჩი

გამოკითხვა

ვინ მოიგებს შემდეგ თამაშს?


არქივი
შედეგები

სულ პასუხი:
567

ცხრილი

სტატისტიკა
სულ ონლაინში: 1
სტუმარი: 1
მომხმარებელი: 0


    www.wsa.ge  

ბანერი






სიახლე
გორის ,,დილა” და მისი პატრონები (ექსკლუზივი)


ფეხბურთელებს მეორე ეტაპზე ყვითელი და წითელი ბარათები არ გადაჰყვებათ


ქუთაისელი ქომაგები ჰიმნის შეცვლას ითხოვენ(2 ჰიმნი)


ილურიძემ “დილა” “რვიანში” დატოვა(დიდი ინფორმაცია)


ეროვნული ჩემპიონატის XXII ტური კვლავ გადაიდო


მოგესალმებით !!!


სპარტაკი-დილა 2:2 - ჰეპი ენდი მძაფრი სიუჟეტით 08.03.2012.(+ფოტო)



© 2012 Designed By Taz.
  All Right Reserved.