საქართველოს
ეროვნულ ჩემპიონატში მეორე ეტაპის მეორე ტურის შეხვედრები გაიმართა. პლეი
აუტში გორის "დილამ" ნაკრების ბაზა "ბასაზე" რუსთავის "მეტალურგი" მიიღო და
ანგარიშით 0:1 დამარცხდა.
რუსთაველთაგან გოლი მატჩის 84-ე წუთზე ირაკლი სიხარულიძემ გაიტანა.
საინტერესო
შეხვედრა გაიმართა "დინამო არენაზე", სადაც თბილისის "დინამომ" მარტვილის
"მერანთან" ორბურთიანი უპირატესობა ვერ შეინარჩუნა. 22-ე წუთზე გიორგი
დევდარიანის გუნდი ჩისკომ დააწინაურა, 10 წუთში კი თავი ალექსანდრე
კოშკაძემ გამოიჩინა.
თითქოს ''დინამოს'' გამარჯვება საეჭვო აღარ
უნდა გამხდარიყო, თუმცა 36-ე წუთზე, ხელით თამაშის გამო ირაკლი ძარიას
მოედნიდან გაძევების შემდეგ მარტვილელებმა ჯერ გიგა ჟვანიას ზუსტად
შესრულებული პენალტით შეამცირეს ანგარიშში სხვაობა, შემდეგ კი ლაშა ჩალაძის
გოლით მატჩის საბოლოო შედეგი - 2:2 დააფიქსირეს.
თუ პლეი ოფის
მეორე ტურის მთავარი მატჩის - "ზესტაფონი"-"ტორპედოს" შეხვედრის
დიდთოვლობის გამო გადატანის შესახებ ცნობილი წინდაწინვე იყო, ბოლო მომენტში
იგივე ბედი პლეი ოფში "კოლხეთი"-"ბაიას" შეხვედრამ, პლეი აუტში კი
"დინამო" (ბთ)-"სიონისა" და "მერცხალი"-"ჩიხურას" მატჩებმა გაიზიარა.
პლეი აუტში "გურიამ" "გაგრას" უმასპინძლა და მიუხედავად იმისა, რომ ორბურთიანი უპირატესობით იგებდა, საბოლოოდ ფრეს (2:2) დასჯერდა.
"ვიტ ჯორჯიამ" მცხეთაში ცხინვალის "სპარტაკის" დამარცხება მატჩის მიწურულს, ლევან კუხალეიშვილის ერთადერთი გოლით შეძლო.
