1 მარტს მცხეთაში,
"მცხეთა პარკზე" საქართველოს ეროვნული ჩემპიონატის XX ტურის გამოტოვებული
შეხვედრა გაიმართა, რომელშიც გორის "დილამ" რუსთავის "მეტალურგი" მიიღო და
3:1 დაამარცხა.
ზამთრის სატრანსფერო ფანჯრის დროს გაძლიერებული
თემურ მახარაძის გუნდისთვის, რომელმაც მიზნად ჩემპიონატის 8 საუკეთესო
გუნდს შორის მოხვედრა დაისახა, ამ მატჩის შედეგს უდიდესი მნიშვნელობა
ჰქონდა.
რუსთავის "მეტალურგთან" მატჩში გორელებმა საქმე წინ
პირველსავე ტაიმში წაიგდეს, როდესაც 35-ე წუთზე რეზო ჯიქიას, 43-ეზე კი
ირაკლი ლექვთაძის გოლებით 2:0 დაწინაურდნენ.
მახარაძის გუნდმა
რუსთაველთა კარის აღება მეორე ტაიმშიც შეძლო. 61-ე წუთზე თავი გიორგი
კახელიშვილმა გამოიჩინა და მატჩის ბედიც აქ გადაწყდა. ერთადერთი, რასაც
კობა ჟორჟიკაშვილის შეგირდები გახდნენ, შეხვედრის მიწურულს რევაზ გეწაძის
გატანალი პრესტიჟის გოლი იყო.
