”სპარტაკი” (ცხინვალი) - ”დილა” (გორი) 2:1 (წინა მატჩი)

08.03.2012. თბილისი. ”მიხეილ მესხი”. 15:00 სთ.

მსაჯები: მ. ბეუქლიშვილი, ზ. ფიფია, ა. კოკაია, ბ. ნინუა.

ეროვნული ჩემპიონატის 22-ე ტური უმაღლეს ლიგაში ერთ-ერთი ჩვეულებრივი ტური სულაც არაა. ჩემპიონატში ისე განვითარდა მოვლენები, რომ სეზონის მეორე წრის დასკვნითი ტური ერთბაშად რამდენიმე გუნდისთვისაა გადამწყვეტი. მათ შორის ჩვენი გუნდისთვის, ცხინვალის ”სპარტაკისთვის”. ისევე როგორც ჩვენი დღევანდელი მეტოქისთვის, გორის ”დილასთვის”. თუმცა, სპარტაკელებზე უკეთეს მდგომარეობაში ”დილაა”, მოგების შემთხვევაში გორელები მოწინავე 8 გუნდში, ანუ ფლეი ოფში იქნებიან. სპარტაკელებს კი მოგების გარდა, სხვა მატჩების სასურველი შედეგით დასრულებაც სჭირდებათ პლეი ოფში ასპარეზობისთვის. ამას გარდა, სხვა არაერთი ვარიანტით შეიძლება განვითარდეს მოვლენები, ყველაფერს კი მიხეილ მესხის სახელობის სტადიონზე გასამართი მატჩი და ტურის სხვა თამაშები გადაწყვეტს, რომლებიც 15 საათზე დაიწყება. მანამდე კი ერთი რამ ცხადია, სპარტაკელები ბოლომდე იბრძოლებენ მეტოქესთან ტრადიციისა და დადებითი ბალანსის გასაგრძელებლად.

”სპარტაკისა” და ”დილას” ურთიერთშეხვედრების ისტორიას თუ გადავხედავთ, უპირატესობა ჩვენი გუნდის მხარესაა. აქამდე ეს მეტოქეები სამჯერ შეხვდნენ ერთმანეთს. სამიდან ორი შეხვედრაში ”სპარტაკმა” 3-3 ქულა ჩაიწერა, აღსანიშნავია ისიც, რომ ამ გუნდების სამივე შეხვედრა გორში ჩატარდა. პირველი მატჩი 0:0 დასრულდა, მეორე შეხვედრაში, ”დილამ” მეორე ტაიმში თამაშის გაგრძელება არ ისურვა და ”სპარტაკს” ტექნიკური მოგება (3:0) ჩაეთვალა...

მესამედ ”სპარტაკი” და ”დილა” მიმდინარე სეზონში, შარშან 26 ოქტომბერს შეხვდნენ ერთმანეთს. შეხვედრა, რომელიც ”ქართლზე” გაიმართა სპარტაკელები სტუმრის რანგში იყვნენ, მაგრამ შეძლეს და პირველი ტაიმი დამაჯერებლად, 2:0 მოიგეს რეზო ჯიქიასა და ზვიად მეტრეველის გოლების წყალობით. საბოლოო ჯამში კი ვლადიმერ ხაჩიძის გუნდმა  2:0 იმარჯვა.

ასე რომ, ურთიერთშეხვედრებში დამკვიდრებული ტრადიციით უპირატესობა ”სპარტაკის” მხარესაა და სპარტაკელები დღსაც ამ ტრადიციის, დადებილითი ბალანსის გასაგრძელებლად იბრძოლებენ.

შიდაქართლური დერბი ცხარე და დრამატული იქნება. აღსანიშნავია ის, რომ ამ პრინციპული მატჩისთვის არცერთ გუნდში არაა დისკვალიფიცირებული ფეხბურთელი.

26.10.2011. გორში, ”ქართლზე”, ”სპარტაკმა” ”დილა” დაჯაბნა

 http://fcspartak.ge