კვირა, 3:18 AM, 2018  
არ მოიპაროთ ბანერი(დამზადებულია გაბრიტოს მიერ)
მთავარი შემადგენლობა მწვრთნელები სტადიონი დუბლები ისტორია ფოტო ვიდეო რეგისტრაცია

დილელი სალუქვაძე: "ვოლგა" ისე გათავხედდა, გამოღმა გვედავება და გვადანაშაულებს!


რუსული კლუბები მასიურად გამდიდრდნენ, ამბიციები გაუჩნდათ, ევროპელებს სიმდიდრესა და კლასში ეჯიბრებიან, ევროპულ თასებსაც შეწვდნენ და ჩემპიონთა და ევროპის ლიგის ჯგუფურ ტურნირებს გაუშინაურდნენ.

მაგრამ ნიჟნი ნოვგოროდის "ვოლგაში" დატრიალებულმა ტრაგიკომიკულმა ვითარებამ რუსები დააფიქრა, რომ მათ ფეხბურთში ყველაფერი ისე არ ხდება და ბევრი პრობლემა მოუგვარებელია.

ისე არ გაიგოთ, თითქოს ქვეტექსტში პარალელებს ვავლებთ და ვგულისხმობთ, რომ საქართველოში ყველაფერი უკეთ არის. აქაც იგივე პრობლემებია, მაგრამ ნიჟნი ნოვგოროდის "ვოლგა" ქართველებთან მართლაც უცნაურად იქცევა, დავა კი ლათინოამერიკული სერიალივით აბსურდით გრძელდება.

მომხდარზე ნიჟნინოვგოროდელთა ყოფილი მცველი, აწ უკვე გორის "დილას" წევრი ლაშა სალუქვაძე გველაპარაკა.

- "ვოლგამ" ექვსიდან სამი ფეხბურთელი უპრობლემოდ გაუშვა. შენ და გოგუა რატომ გაგაწვალეს, ხელმძღვანელობასთან პირადი კონფლიქტი გქონდათ?
- რაც იყო, ყველამ იცის. პირადად ჩხუბი არ მომსვლია, მაგრამ უარესია, რასაც გვიკეთებენ. ჩემთვის არის აბსოლუტურად გაუგებარი ვითარება და ვერ ვხვდები, რას გადამეკიდნენ. ითხოვენ საკონტრაქტო თანხის უკან დაბრუნებას. ბევრ გუნდში მითამაშია, პრობლემებიც ყოფილა, მაგრამ ასეთი აბსურდი არავისგან მსმენია.

შესაძლოა, პირად შეურაცხყოფად მიიღეს, რომ წამოვედით. მაგრამ ჩვენ თავად არ ვართ შეურაცხყოფილები, გუნდიდან სრულიად უსაფუძვლოდ რომ გაგვაგდეს და "ვოლგა" თვეების განმავლობაში ხელფასებს არ გვიხდიდა?

რუსეთის საფეხბურთო კავშირის დავების პალატამ კლუბი დაავალდებულა, რომ დავალიანება გაესტუმრებინა და თანხა ანგარიშზე დაგვირიცხეს, მაგრამ ჩემი და გოგიტას ბანკის ბარათები მაშინვე დაბლოკეს.

დღემდე ვერ მივიღე პასუხი, რატომ ვერ ვიღებთ კუთვნილ თანხას, მე ხომ რუსეთში ენთუზიაზმზე არ ვთამაშობდი?! კლუბი ვალდებული იყო, ჩემი შრომა აენაზღაურებინა.

"ვოლგა" ამ ელემენტარულ ამბავსაც უარყოფს. გამოდის, რომ მოყვარულები ჩავედით და ენთუზიაზმზე ვმუშაობდით. ეს ხომ აბსურდია?!

- "ვოლგა" თანხის ხარჯვის ანგარიშს ითხოვს...
- ეს საერთოდ ბოდვაა. რუსეთში რვა წელი ვთამაშობდი, მაგრამ მსგავსი კანონების შესახებ არაფერი მსმენია. ან რა მაგათი საქმეა, ფული რაში დავხარჯეთ? საპრეტენზიო გვაქვს ჩვენ და არა კლუბს, მაგრამ ისე გათავხედდნენ, რომ გაღმა შედავება გადაწყვიტეს და ჩვენი დადანაშაულება სურთ.

გუნდს შეკრებაზე როგორ უნდა წავყოლოდით, როდესაც დუბლებში გადაგვიყვანეს და თავად თქვეს, ძირითად გუნდს ჩამოგაშორეთო? თურქეთში გუნდის ვარჯიშზე ხომ არ შევიპარებოდით? მაგალითად, თქვენ რედაქტორს აბარებთ ანგარიშს, ხელფასი რაში დახარჯეთ? კლუბი ამას გვედავება.

ახლა ჩვენი საქმის სამოქალაქო სასამართლოში განხილვა სურთ, სადაც, ცხადია, ბევრად დიდი გავლენა აქვთ და პროცესის სათავისოდ დასრულების სრული გარანტია გააჩნიათ. ობიექტურ სასამართლოში კი აბსოლუტურად სხვა ვითარება იქნება.

- თქვენ საქართველოში ცხოვრობთ და საკითხს ვინ გიგვარებთ?
- ადვოკატები დავიქირავეთ და საქმეში ისინი არიან ჩართულები.

ყოველდღიური სპორტული გაზეთი "ლელო"



ავტორი: Guest ნანახია: (841) დამატების დრო: (2018-12-16)



სახელი *:
Email *:
კოდი *:

კატეგორიები

მართვის ბლოკი

ჩათი

ბომბარდირები

 შემდეგი მატჩი

გამოკითხვა

ვინ მოიგებს შემდეგ თამაშს?


არქივი
შედეგები

სულ პასუხი:
567

ცხრილი

სტატისტიკა
სულ ონლაინში: 1
სტუმარი: 1
მომხმარებელი: 0


    www.wsa.ge  

ბანერი






სიახლე
დილა-მეტალურგი 0:1 - მძიმე სურათი


ქუთაისელი ქომაგები ჰიმნის შეცვლას ითხოვენ(2 ჰიმნი)


ეროვნული ჩემპიონატის XXII ტური კვლავ გადაიდო


ჩაგელიშვილის დებიუტი წაგებით დაიწყო


თენგიზ ბურჯანაძის სახელობის გორის ცენტრალური სტადიონი


"დილა" 0-1 "მეტალურგი"


"დილამ" რუსთავის "მეტალურგი" 3:1 დაამარცხა



© 2012 Designed By Taz.
  All Right Reserved.