უმაღლესი
ლიგის მეორე ეტაპის პირველი ტურის შეხვედრა, რომელიც დინამო არენაზე
დინამო თბილისსა და გორის დილას შორის უნდა გამართულიყო უამინდობის გამო
გადაიდო. შეხვედრა თბილისში თამაშის დაწყებამდე 2-3 საათით ადრე მოსული
დიდი თოვლის გამო გადაიდო. მატჩის გადადების გადაწყვეტილება, შეხვედრის
დაწყებამდე 30 წუთით ადრე, შეხვედრის მთავარი მსაჯის, დამკვირვებელის,
მატჩის დელეგატის და ფეხბურთის ფედერაციის სპეცილური წარმომადგენელების
ერთობლივი გადაწყვეტილების შედეგად მოხდა.
ეროვნული ჩემპიონატის 22-ე ტური უმაღლეს ლიგაში ერთ-ერთი ჩვეულებრივი
ტური სულაც არაა. ჩემპიონატში ისე განვითარდა მოვლენები, რომ სეზონის მეორე
წრის დასკვნითი ტური ერთბაშად რამდენიმე გუნდისთვისაა გადამწყვეტი. მათ
შორის ცხინვალის ”სპარტაკისთვის”. ისევე როგორც ჩვენი
დღევანდელი მეტოქისთვის, გორის ”დილასთვის”. თუმცა, სპარტაკელებზე უკეთეს
მდგომარეობაში ”დილაა”, მოგების შემთხვევაში გორელები მოწინავე 8 გუნდში,
ანუ ფლეი ოფში იქნებიან.
